గోడ గడియారంలోనే పంచాంగం.. భాగ్యనగర స్టార్టప్ వినూత్న ఆవిష్కరణ!

మన సనాతన సంప్రదాయానికి ఆధునిక సాంకేతికతను జోడిస్తూ హైదరాబాద్‌కు చెందిన ‘సోహన్ సితార ప్రైవేట్ లిమిటెడ్’ అనే నవకల్పన సంస్థ (స్టార్టప్) ఒక అద్భుతమైన గడియారాన్ని రూపొందించింది. ‘ఈక్షన్ డిజిటల్ ఆస్ట్రో వాల్ క్లాక్’ పేరుతో ప్రవేశపెట్టిన ఈ గడియారం.. దేశంలోనే మొట్టమొదటి డిజిటల్ ఆస్ట్రో గడియారంగా గుర్తింపు పొందుతోంది. సాధారణ గడియారాలు కేవలం సమయాన్ని మాత్రమే చూపిస్తే, ఈ వినూత్న ఆవిష్కరణ సమయంతో పాటు మన నిత్య జీవితానికి అవసరమైన పంచాంగ వివరాలను కూడా కళ్లముందు ఉంచుతుంది.